തായ്ലന്ഡിലെ ഫുക്കറ്റില് നിന്ന് ഡല്ഹിയിലേക്ക് വന്ന എയര് ഇന്ത്യ വിമാനത്തിന് വലിയ അപകടം. യാത്രയ്ക്കിടെ വിമാനം പെട്ടെന്ന് ആകാശച്ചുഴിയില്പ്പെടുകയായിരുന്നു.
ആകെ 134 യാത്രക്കാരാണ് ഈ വിമാനത്തിലുണ്ടായിരുന്നത്. എഐ2379 നമ്പറിലുള്ള വിമാനമാണ് അപ്രതീക്ഷിതമായി അപകടത്തില്പ്പെട്ടത്.
സംഭവത്തില് വിമാനത്തിലെ ജീവനക്കാരും യാത്രക്കാരുമാണ് പരിക്കേറ്റത്. രണ്ട് ക്രൂ അംഗങ്ങള് ഇതില് ഉള്പ്പെടുന്നുണ്ട്.
ആകെ 12 പേര്ക്കാണ് ഈ സംഭവത്തില് പരിക്കേറ്റത്. ഉയര്ന്നു പൊങ്ങിയ വിമാനം പെട്ടെന്ന് താഴേക്ക് പോകുന്നതുപോലെയാണ് തോന്നിയതെന്ന് യാത്രക്കാര് പറഞ്ഞു.
യാത്രക്കാര്ക്ക് വിമാനത്തിനുള്ളില് വെച്ച് വലിയ തോതില് പരിഭ്രാന്തിയുണ്ടായി. ചില യാത്രക്കാരുടെ തലയ്ക്കാണ് ചെറിയ തോതില് പരിക്കേറ്റത്.
മറ്റു ചില യാത്രക്കാരുടെ ശരീരത്തില് ശക്തമായ ചതവുകളും ഏറ്റിട്ടുണ്ട്. എന്നാല് ആര്ക്കും ഗുരുതരമായ പരിക്കുകളില്ലെന്ന് എയര് ഇന്ത്യ വ്യക്തമാക്കി.
ആകാശച്ചുഴിയില് പെട്ടതിനെ തുടര്ന്ന് വിമാനത്തിന് ചില കേടുപാടുകളും സംഭവിച്ചു. എങ്കിലും പൈലറ്റുമാരുടെ സമയോചിതമായ ഇടപെടല് വലിയ ദുരന്തം ഒഴിവാക്കി.
ഡല്ഹിയിലെ ഇന്ദിരാഗാന്ധി അന്താരാഷ്ട്ര വിമാനത്താവളത്തിലാണ് വിമാനം ഇറങ്ങിയത്. വിമാനം ഇവിടെ സുരക്ഷിതമായി ലാന്ഡ് ചെയ്തതായി എയര് ഇന്ത്യ അധികൃതര് അറിയിച്ചു.
യാത്രക്കാര്ക്ക് ആവശ്യമായ വൈദ്യസഹായം വിമാനത്താവളത്തില് വെച്ച് തന്നെ നല്കി. വിമാനക്കമ്പനി അധികൃതര് സംഭവത്തെക്കുറിച്ചുള്ള ഔദ്യോഗിക വിശദീകരണവും പുറത്തുവിട്ടിട്ടുണ്ട്.
