പുണെ: വ്യവസായി കേതൻ അഗർവാളിന്റെ കൊലപാതകം ആസൂത്രിതമെന്ന് പോലീസ്. കേസിൽ വധു സിയ ഗോയലും കാമുകൻ ചേതൻ ചൗധരിയും അറസ്റ്റിലായി. കേതനുമായുള്ള വിവാഹനിശ്ചയത്തിന് ശേഷമാണ് സിയയും ചേതനും ഗൂഢാലോചന നടത്തിയത്.
കൊലപാതകത്തിന് 34 മിനിറ്റ് മുൻപ് സിയ ചേതനെ ഫോണിൽ ബന്ധപ്പെട്ടിരുന്നു. ലൊഹഗാഡ് കോട്ടയിലെ ആളൊഴിഞ്ഞ പ്രദേശം കൊലപാതകത്തിനായി തിരഞ്ഞെടുത്തത് ചേതനാണ്.
പ്രതികൾ മൂന്നു മാസത്തെ വാട്സാപ്പ് ചാറ്റുകൾ നശിപ്പിച്ചത് തെളിവുകൾ ഇല്ലാതാക്കാനായിരുന്നു. എന്നാൽ സൈബർ വിദഗ്ധർ ഇവ വീണ്ടെടുക്കാൻ ശ്രമിക്കുകയാണ്.
വിവാഹശേഷം കേതനെ ഒഴിവാക്കി ചേതനെ വിവാഹം കഴിക്കാനായിരുന്നു സിയയുടെ പദ്ധതി. ഇതിനായി മൂന്ന് വർഷമെങ്കിലും കാത്തിരിക്കാൻ ഇവർ തീരുമാനിച്ചിരുന്നു.
ഷോപ്പിംഗിന്റെ പേരിൽ കേതനിൽ നിന്ന് സിയ ഒരു കോടി രൂപ വാങ്ങിയിരുന്നു. ഈ പണം ചേതന്റെ ബിസിനസ് ആവശ്യങ്ങൾക്കാണ് ഉപയോഗിച്ചത്.
ജൂൺ 14-ന് ലൊഹഗാഡ് കോട്ടയിൽ വെച്ച് സിയ കേതനെ തള്ളിയിടാൻ ശ്രമിച്ചു. പാമ്പിനെ കണ്ടെന്ന് കള്ളം പറഞ്ഞാണ് അന്ന് സിയ രക്ഷപ്പെട്ടത്. പിന്നീട് സിസിടിവി ദൃശ്യങ്ങൾ പരിശോധിച്ചപ്പോഴാണ് നിർണ്ണായക വിവരങ്ങൾ ലഭിച്ചത്.
ഹൂഡി ധരിച്ച് എത്തിയ ചേതന്റെ ദൃശ്യങ്ങൾ പോലീസിൽ സംശയം ജനിപ്പിച്ചു. കേതന്റെ സഹോദരിയുടെ പരാതിയാണ് അന്വേഷണത്തിന് തുടക്കമിട്ടത്.
