ENTERTAINMENT NEWS KOCHI:കൊച്ചി: നൌഷദ് സഫ്രോണ് സംവിധാനം ചെയ്ത് ഷൂട്ടിംഗ് പൂര്ത്തിയാക്കിയ പൊറാട്ട് നാടകം എന്ന ചിത്രം കോടതി വിലക്കി. ശുഭം എന്ന പേരില് സിനിമയാക്കാന് വേണ്ടി വിവിയന് രാധാകൃഷ്ണന് എഴുതിയ തിരക്കഥയാണ് പൊറാട്ട് നാടകമാക്കി മാറ്റിയത് എന്നാണ് കോടതി കണ്ടെത്തിയത്. 2018 ല് ഈ തിരക്കഥയുടെ അവകാശം നിര്മ്മാതാവായ അഖില് ദേവ് വാങ്ങിയിരുന്നു. പൊറാട്ട് നാടകത്തിന്റെ തിരക്കഥകൃത്ത് സുനീഷ് വരനാടാണ്. തങ്ങളുടെ കൈയ്യിലുള്ള തിരക്കഥ ചിത്രീകരിച്ച് പോസ്റ്റ് പ്രൊഡക്ഷന് കഴിഞ്ഞ ശേഷമാണ് ഇത് സിനിമയാക്കിയ കാര്യം അറിഞ്ഞത് എന്നാണ് പരാതിക്കാര് പറയുന്നത്എറണാകുളം അഡീഷണല് ഡിസ്ട്രിക്റ്റ് ആന്റ് സെഷന്സ് കോടതിയുടെതാണ് ഉത്തരവ്. പകര്പ്പവകാശ ലംഘനം അടക്കം ചൂണ്ടിക്കാട്ടിയാണ് ചിത്രത്തിന്റെ റിലീസ് കോടതി തടഞ്ഞത്. എഴുത്തുകാരന് വിവിയന് രാധാകൃഷ്ണന്, നിര്മ്മാതാവ് അഖില് ദേവ് എന്നിവര് നല്കിയ ഹര്ജിയിലാണ് കോടതിയുടെ വിധി.
![](https://kottarakkaramedia.com/wp-content/uploads/2022/09/small-logo.jpg)