പാലക്കാട് : കല്ലടിക്കോട് നാല് വിദ്യാര്‍ത്ഥികളുടെ മരണത്തിന് ഇടയാക്കിയ സിമന്റ് ലോറി മറിഞ്ഞത് മഹാരാഷ്ട്ര രജിസ്‌ട്രേഷനിലുള്ള വാഹനമിടിച്ചെന്ന് മോട്ടോര്‍ വാഹന വകുപ്പ്. ലോറി ഓടിച്ചിരുന്ന നിലമ്പൂര്‍ സ്വദേശിയെ പ്രതിയാക്കി കേസെടുക്കും. അമിത വേഗതയില്‍ എത്തിയ ഈ ലോറിയുടെ പിന്‍ഭാഗത്ത് ഇടിച്ചാണ് സിമന്റ് ലോറി നിയന്ത്രണം നഷ്ടപ്പെട്ട് മറിഞ്ഞത്. നാളെ തുടര്‍ പരിശോധനകള്‍ നടത്തി നടപടികള്‍ സ്വീകരിക്കും. സിമന്റ് ലോറി ഡ്രൈവറുടെ വിശദമായ മൊഴി രേഖപ്പെടുത്തിയെന്നും മോട്ടോര്‍ വാഹന വകുപ്പ് ഉദ്യോഗസ്ഥര്‍ അറിയിച്ചു. മഹാരാഷ്ട്ര രജിസ്‌ട്രേഷനിലുള്ള ലോറി കല്ലടിക്കോട് പോലീസ് കസ്റ്റഡിയിലെടുതിട്ടുണ്ട്.