KERALA NEWS TODAY MALAPPURAM:എടക്കര ഗവണ്മെന്റ് ഹൈസ്കൂളിലെ വാട്ടർ ടാങ്കുകളും പരിസരവും യൂത്ത് ബ്രിഗേഡ് നേതൃത്വത്തിൽ ശുചീകരിച്ചു. ഡി വൈ എഫ്‌ ഐ സംസ്ഥാന സെക്രട്ടറി വി കെ സനോജ് പങ്കുവെച്ച പോസ്റ്റിൽ ഇക്കാര്യം വ്യക്തമാക്കി. മലപ്പുറം ജില്ലാ പ്രസിഡന്റ്‌ പി ഷബീർ,ബ്ലോക്ക്‌ സെക്രട്ടറി എ അനസ്,ബ്ലോക്ക്‌ പ്രസിഡന്റ്‌, ജെ എം ഷബീബ്, മേഖല സെക്രട്ടറി നജീബ്, പ്രസിഡന്റ്‌ താഹിർ,ബ്ലോക്ക്‌ കമ്മിറ്റി അംഗം സഫ്‌വാൻ പി.എസ് മേഖല ജോയിന്റ് സെക്രട്ടറി ഷബീബ്,തുടങ്ങിയവർ നേതൃത്വം നൽകി.
പഠനോത്സവത്തിന്റെ ഭാഗമായി മുഴുവൻ പൊതുവിദ്യാലയങ്ങളിലെയും വാട്ടർടാങ്കും, ക്ലാസ്സ്‌ മുറികളും, പരിസരവുമുൾപ്പെടെ വരും ദിവസങ്ങളിൽ യൂത്ത് ബ്രിഗേഡ് നേതൃത്വത്തിൽ ഡി വൈ എഫ്‌ ഐ പ്രവർത്തകർ ശുചീകരിക്കുമെന്നും വി കെ സനോജ് അറിയിച്ചു.