പുഴയിൽ കാണാതായ മുത്തശ്ശിക്കും പേരക്കുട്ടിക്കുമായി തെരച്ചിൽ ആരംഭിച്ചു

Kerala News Today-മ​ല​പ്പു​റം: നിലമ്പൂർ കു​തി​ര​പ്പു​ഴ​യി​ൽ കാണാതായ രണ്ട് പേർക്കായി തെരച്ചിൽ ആരംഭിച്ചു.
ഇന്നലെ ഒഴുക്കിൽപെട്ട അമരമ്പലം സ്വദേശി സുശീല, കൊച്ചുമകൾ അനുശ്രീ എന്നിവർക്കായാണ് തെരച്ചിൽ ആരംഭിച്ചത്.
ഇന്നലെ പുലർച്ചെയാണ് ഇവർ ഒഴുക്കിൽപെട്ടത്. ഇന്നലെ വൈകുന്നേരം 5:30 വരെ തെരച്ചിൽ നടത്തി അവസാനിപ്പിക്കുകയായിരുന്നു.

എൻ.ഡി.ആർ.എഫും അഗ്നിശമനസേനയുമാണ് തെരച്ചിൽ നടത്തുന്നത്. ബു​ധ​നാ​ഴ്ച പു​ല​ർ​ച്ച ര​ണ്ട​ര​യോ​ടെ​യാ​ണ് കു​തി​ര​പ്പു​ഴ​യി​ൽ അ​മ​ര​മ്പ​ലം പാ​ല​ത്തി​ന് സ​മീ​പം സൗ​ത്ത് ശി​വ​ക്ഷേ​ത്ര ക​ട​വി​ൽ അഞ്ചു പേരടങ്ങുന്ന കുടുംബം ഇറങ്ങിയത്.
അ​മ​ര​മ്പ​ലം സൗ​ത്ത് സ്വ​ദേ​ശി​നി കൊ​ട്ടാ​ട​ൻ സ​ന്ധ്യ​(32) മ​ക്ക​ളാ​യ അ​നു​ശ്രീ(12), അ​നു​ഷ (12), അ​രു​ൺ(11), മാ​താ​വ് സു​ശീ​ല(55) എ​ന്നി​വ​രാണ് പുഴയിൽ ഒഴുക്കിൽപ്പെട്ടത്. ഇതിൽ 3 പേർ രക്ഷപ്പെട്ടു.

അ​നു​ഷ​യും അ​രു​ണും നീ​ന്തി ര​ക്ഷ​പ്പെ​ട്ട്, ഇവർ താമസിക്കുന്ന വാ​ട​ക​ ക്വാ​ർ​ട്ടേ​ഴ്സി​ലെ​ത്തി അ​യ​ൽ​വാ​സി​ക​ളെ വിവരം അ​റി​യി​ക്കു​ക​യാ​യി​രു​ന്നു.
തിരച്ചിലിനിടെ സ​ന്ധ്യ ര​ണ്ട് കി.​മീ താ​ഴെ ചെ​റാ​യി ക​ട​വി​ൽ ക​യ​റി ര​ക്ഷ​പ്പെ​ട്ടു. സാ​മ്പ​ത്തി​ക​പ്ര​തി​സ​ന്ധി​യെ തുടർന്ന് കു​ടും​ബ​സ​മേ​തം ആ​ത്മ​ഹ​ത്യ​ക്ക് ശ്ര​മിച്ചതാണെന്ന് പ​റ​യു​ന്നു. സ​ന്ധ്യ ജോ​ലി​ക്ക് പോ​യാ​ണ് കു​ടും​ബം പു​ല​ർ​ത്തി​യി​രു​ന്ന​ത്. എന്നാ​ൽ, അ​സു​ഖ​ത്തെ​ത്തു​ട​ർ​ന്ന് ര​ണ്ടു​മാ​സ​മാ​യി ജോ​ലി​ക്ക് പോ​യി​രു​ന്നി​ല്ല. ഇ​തോ​ടെ​യാ​ണ് കു​ടും​ബം പ്ര​തി​സ​ന്ധി​യി​ലാ​യ​തെ​ന്നും അറിയുന്നു.

Kerala News Today