ACCIDENT NEWS-ആലപ്പുഴ : ആലപ്പുഴ നഗരമധ്യത്തില്‍ യാത്രക്കാരെ കാറിടിപ്പിച്ച് വീഴ്ത്തി.
അപകടമുണ്ടാക്കിയ കാറും ഓടിച്ചയാളെയും പോലീസ് കസ്റ്റഡിയിലെടുത്തു.
ആലപ്പുഴ സ്വദേശിയുടെ ഉടമസ്ഥതയിലുള്ള വാഹനമാണ് പോലീസ് കസ്റ്റഡിയിലെടുത്തത്. അതേസമയം, പ്രതിയുടെ പേരോ മറ്റുവിവരങ്ങളോ പോലീസ് പുറത്തുവിട്ടിട്ടില്ല.
വെള്ളിയാഴ്ച രാത്രിയാണ് നിയന്ത്രണംവിട്ടെത്തിയ കാര്‍ ബൈക്ക് യാത്രികരെയും കാല്‍നട യാത്രക്കാരെയും ഇടിച്ചുവീഴ്ത്തിയത്. അമിതവേഗത്തിലെത്തിയ കാര്‍, റോഡരികില്‍ ബൈക്ക് നിര്‍ത്തി സംസാരിക്കുകയായിരുന്ന രണ്ട് യുവാക്കളെയാണ് ഇടിച്ചത്. പിന്നാലെ അതിവേഗത്തില്‍ മുന്നോട്ടുപോയ കാര്‍ കാല്‍നടയാത്രക്കാരെയും ഇടിച്ചിട്ടു. പരിക്കേറ്റ ഇവരെല്ലാം ആശുപത്രിയില്‍ ചികിത്സതേടി.
കാര്‍ മനഃപൂര്‍വം ഇടിച്ചതായാണ് പരാതിക്കാരിലൊരാളായ യുവാവ് പ്രതികരിച്ചത്. അപകടത്തിന് പിന്നാലെ നിര്‍ത്താതെപോയ കാറിനെ ചിലര്‍ പിന്തുടര്‍ന്നിരുന്നു. ബോധമില്ലാത്ത അവസ്ഥയിലാണ് ഡ്രൈവര്‍ വാഹനമോടിച്ചതെന്നായിരുന്നു ഇവരുടെ പ്രതികരണം