ENTERTAINMENT NEWS :
തുടര്‍ച്ചയായി പരാജയ സിനിമകളുടെ ഭാഗമായതിലൂടെ, കരിയറില്‍ ഒരു ബ്രേക്ക് മോഹന്‍ലാലിന് വളരെ പ്രധാനമായിരുന്നു. ജീത്തു ജോസഫിന്റെ നേര് എന്ന സിനിമയിലൂടെ അത് സംഭവിച്ചു. വലിയ ഹൈപ്പ് ഒന്നുമില്ലാതെ, മാസ് ഡയലോഗോ സീനോ ഇല്ലാതെ കോര്‍ട്ട് റൂം ഡ്രാമയായ നേര് എന്ന സിനിമ തകര്‍ത്തോടിക്കൊണ്ടിരിയ്ക്കുകയാണ്. അത് ബോക്‌സോഫീസിലും പ്രതിഫലിക്കുന്നു.റിലീസ് ചെയ്ത് ആറ് ദിവസം പിന്നിടുമ്പോഴേക്കും വേള്‍ഡ് വൈഡ് ആയി സിനിമ 30 കോടിയ്ക്ക് മുകളില്‍ നേടി എന്നാണ് റിപ്പോര്‍ട്ടുകള്‍. ആദ്യ ദിവസം തന്നെ ആറ് കോടി നേടിയ ചിത്രം കേരളത്തില്‍ നിന്ന് മാത്രം വാരിയത് 2.8 കോടിയായിരുന്നു. തുടര്‍ന്നുള്ള വാരാന്ത്യവും ക്രിസ്മസ് അവധിയും എല്ലാം സിനിമയെ നല്ല രീതിയില്‍ സഹായിച്ചു. അത്രയും മൗത്ത് പബ്ലിസിറ്റിയും സിനിമയ്ക്ക് ലഭിച്ചിരുന്നു.രണ്ടാം ദിവസം നേര് കേരളത്തില്‍ നിന്ന് നേടിയത് 3 കോടിയാണ്, മൂന്നാം ദിവസം എത്തുമ്പോഴേക്കും 3.55 കോടിയായി. പിന്നീടുള്ള ദിവസങ്ങളിലെല്ലാം മൂന്ന് കോടിയ്ക്ക് മുകളില്‍ തന്നെയായിരുന്നു കേരളത്തില്‍ നിന്നുള്ള കളക്ഷന്‍. ആറ് ദിവസം കൊണ്ട് കേരളത്തില്‍ നിന്ന് മാത്രം 18.76 കോടി നേടി എന്നാണ് വിവരം. കേരളത്തിന് പുറത്തുള്ളത് എല്ലാം കൂടെയാണ് മുപ്പത് കോടി ക്രിസ്മസ് അവധിയ്ക്ക് തിരക്ക് കൂടിയതുകാരണം കാരണം പുലര്‍ച്ചെ മുതല്‍ ഷോ ആരംഭിച്ച തിയേറ്റുകളുമുണ്ട്. തിയേറ്ററുകളുടെ എണ്ണവും, ഷോയും കൂടിയതോടെ കലക്ഷന്‍ ഉയര്‍ന്നു. ഇപ്പോഴും ബുക്കിങ് എല്ലാം ഫുള്‍ ആയി ഷോ മുന്നേറുകയാണ്. ഇങ്ങനെ പോയാല്‍ കലക്ഷന്‍ റിപ്പോര്‍ട്ടുകള്‍ തിരുത്തി എഴുതപ്പെടുമോ എന്നാണ് ആരാധകര്‍ തന്നെ സംശയിക്കുന്നത്.