അമിത വേഗതയിൽ എത്തിയ കാർ ട്രക്കുമായി കൂട്ടിയിടിച്ചുണ്ടായ അപകടത്തിൽ ആറ് പേർക്ക് ദാരുണാന്ത്യം. മൂന്ന് യുവതികൾ ഉൾപ്പെടെ ആറ് പേരാണ് മരിച്ചത്. ഡെറാഡൂൺ സ്വദേശികളായ ഗുനീത് സിംഗ്(19), കാമാക്ഷി സിംഗൽ (20), നവ്യാ ഗോയൽ (23), റിഷബ് ജെയ്ൻ (24), അതുൽ അഗർവാൾ (24), ഹിമാചലിലെ ചമ്പ സ്വദേശിയായ ഖുണാൾ കുക്കുറേജ (23) എന്നിവരാണ് മരിച്ചത്. അപകടത്തിൽ ഒരാൾക്ക് പരിക്കേറ്റിട്ടുണ്ട്. കാറോടിച്ചിരുന്ന സിദ്ധേശ് അഗർവാൾ (25) എന്ന യുവാവിനാണ് അപകടത്തിൽ പരിക്കേറ്റത്. ഗുരുതര പരിക്കേറ്റ യുവാവ് ആശുപത്രിയിൽ ചികിത്സയിലാണ്. ഡെറാഡൂണിൽ വെച്ച് പുലർച്ചെ 1.30ഓടെയായിരുന്നു അപകടം. മരിച്ചവരിൽ രണ്ട് പേർ സ്വകാര്യ സർവകലാശാലയിലെ വിദ്യാർത്ഥികളാണ്. മറ്റുള്ളവർ ഡെറാഡൂണിലെ വ്യാപാര കുടുംബങ്ങളിൽ നിന്നുള്ളവരുമാണ്.