POLITICAL NEWS NEWDELHI:ന്യൂഡൽഹി: ബിജെപിയിലും വികസന രാഷ്ട്രീയത്തിലും ജനങ്ങൾക്ക് വിശ്വാസമുണ്ടെന്ന് മൂന്ന് സംസ്ഥാനങ്ങളിലെ തെരഞ്ഞെടുപ്പ് ഫലം വ്യക്തമാക്കുന്നതെന്ന് പ്രധാനമന്ത്രി നരേന്ദ്ര മോദി. ജനങ്ങൾക്ക് പാർട്ടിയിലും വികസനത്തിലും വിശ്വാസമുണ്ടെന്നാണ് മധ്യപ്രദേശ്, രാജസ്ഥാൻ, ഛത്തീസ്ഗഡ് സംസ്ഥാനങ്ങളിലെ തെരഞ്ഞെടുപ്പ് ഫലങ്ങൾ വ്യക്തമാക്കുന്നതെന്ന് പ്രധാനമന്ത്രി പറഞ്ഞുവോട്ടർമാരുടെ പിന്തുണയ്ക്ക് നന്ദിയുണ്ട്. അവരുടെ ക്ഷേമത്തിനായി ബിജെപി അക്ഷീണം പ്രവർത്തിക്കും. തെരഞ്ഞെടുപ്പ് പ്രവർത്തനങ്ങളിലെ ബിജെപി പ്രവർത്തകരുടെ പ്രവർത്തനങ്ങൾക്ക് നന്ദിയുണ്ട്. കഠിനാധ്വാനികളായ പാർട്ടി പ്രവർത്തകർക്ക് പ്രത്യേക നന്ദി. മാതൃകാപരമായ പ്രവർത്തനമാണ് അവരുടെ ഭാഗത്ത് നിന്നുമുണ്ടായത്. തെരഞ്ഞെടുപ്പിൽ അക്ഷീണം പ്രവർത്തിക്കുകയും ബിജെപിയുടെ വികസന അജണ്ട ജനങ്ങൾക്കിടയിൽ ഉയർത്തിക്കാട്ടുകയും ചെയ്തുവെന്ന് പ്രധാനമന്ത്രി.ജനവിധി അംഗീകരിക്കുന്നുവെന്ന് കോൺഗ്രസ് നേതാവ് രാഹുൽ ഗാന്ധി വ്യക്തമാക്കി. മധ്യപ്രദേശ്, ഛത്തീസ്ഗഢ്, രാജസ്ഥാൻ സംസ്ഥാനങ്ങളിലെ നിയമസഭാ തെരഞ്ഞെടുപ്പ് ഫലം മാനിക്കുന്നു. തെലങ്കാനയിലെ ജനങ്ങൾക്ക് നന്ദി. നൽകിയ വാഗ്ദാനങ്ങൾ പാലിക്കും. പ്രത്യയശാസ്ത്ര പോരാട്ടം തുടരുമെന്നും രാഹുൽ ഗാന്ധി പറഞ്ഞു.