സംസ്ഥാനത്തെ ഹയർ സെക്കൻഡറി, വി.എച്ച്.എസ്.ഇ പരീക്ഷാഫലം പ്രഖ്യാപിച്ചു. 78.69 ആണ് ഹയർ സെക്കൻഡറി വിജയശതമാനം. കഴിഞ്ഞ വർഷം 82.95 ശതമാനമായിരുന്നു. 4.26 ശതമാനത്തിന്‍റെ കുറവാണ് ഇത്തവണയുണ്ടായത്. ആകെ 3,74,755 പേർ പരീക്ഷയെഴുതിയതിൽ 2,94,888 പേർ ഉപരിപഠനത്തിന് അർഹത നേടി.32,242 പേർ എല്ലാ വിഷയങ്ങൾക്കും എ പ്ലസ് നേടി. കഴിഞ്ഞ വർഷത്തെക്കാൾ 5427 പേർ ഫുൾ എ പ്ലസ് നേടി. 33815 പേരാണ് കഴിഞ്ഞ വർഷം ഫുൾ എ പ്ലസ് നേടിയത്. പ്ലസ് ടു സയൻസ് – 84.84 ശതമാനം, ഹ്യുമാനിറ്റീസ് – 67.09 ശതമാനം, കൊമേഴ്സ് – 76.11 ശതമാനം എന്നിങ്ങനെയാണ് വിവിധ ഗ്രൂപ്പുകളിലെ വിജയം. ഏറ്റവും കൂടുതല്‍ വിജയശതമാനമുള്ള ജില്ല എറണാകുളം(84.12%). ഏറ്റവും കുറവ് വിജയശതമാനം വയനാട് (72.13). എ പ്ലസ് കൂടുതലുള്ള ജില്ല മലപ്പുറം. 5659 പേരാണ് ഇവിടെ നിന്ന് ഫുൾ എ പ്ലസ് നേടിയത്.
