തൃശ്ശൂർ ലോക്സഭ മണ്ഡലത്തിൽ വിജയിച്ച എൻ.ഡി.എ സ്ഥാനാ‍ർഥിയും നടനുമായ സുരേഷ് ഗോപിക്ക് അഭിനന്ദനങ്ങളറിയിച്ച് സഹതാരങ്ങൾ. മമ്മൂട്ടി, മോഹൻലാൽ, ദിലീപ് ഉൾപ്പടെയുള്ള താരങ്ങൾ സോഷ്യൽ മീഡിയയിലൂടെ അഭിനന്ദനമറിയിച്ചു. നിർമാതാക്കളായ ജി. സുരേഷ് കുമാർ, നടൻ കൃഷ്ണകുമാർ തുടങ്ങിയവർ സുരേഷ് ഗോപിയെ വീട്ടിലെത്തി അഭിനന്ദിച്ചു.പ്രിയപ്പെട്ട സഹോദരൻ സുരേഷേട്ടന്റെ ഈ വിജയത്തിൽ , ദിലീപ് കുറിച്ചു.4,686 വോട്ടിന്റെ ഭൂരിപക്ഷത്തോടെയാണ് സുരേഷ് ഗോപി തൃശ്ശൂരിൽ വിജയക്കൊടി പാറിച്ചത്. സുരേഷ് ഗോപിയിലൂടെ കേരളത്തിൽ ആദ്യമായി ബി.ജെ.പി. അക്കൗണ്ട് തുറക്കുകയും ചെയ്തു.മോദി തന്റെ രാഷ്ട്രീയദൈവമെന്നാണ് വിജയത്തിൽ സുരേഷ് ഗോപി പ്രതികരിച്ചത്. നിലവിലെ രാഷ്ട്രീയത്തോടുള്ള ജനങ്ങളുടെ വിയോജിപ്പാണ് തനിക്ക് വോട്ടായി ലഭിച്ചതെന്നും തൃശ്ശൂരിലെ വോട്ടർമാർ താനെന്ന വ്യക്തിക്ക് നൽകിയ സ്വീകാര്യതയാണ് വിജയമെന്നും സുരേഷ് ഗോപി പറഞ്ഞു. വിജയത്തിനായി പ്രവർത്തിച്ച പാർട്ടിപ്രവർത്തകരോടും വോട്ടർമാരോടും നീതിപുലർത്തി കൂടെയുണ്ടാവുമെന്നും അദ്ദേഹം കൂട്ടിച്ചേർത്തു.
