ആത്മസമർപ്പണത്തിന്റെയും സഹനത്തിന്റെയും സന്ദേശം നല്കി ഇന്ന് ബലിപെരുന്നാൾ

ആത്മസമർപ്പണത്തിന്റെയും സഹനത്തിന്റെയും സന്ദേശമായ ബലിപെരുന്നാളിൽ തക്ബീറുകൾ ചൊല്ലി വിശ്വാസികൾ പ്രാർഥനകളിൽ സജീവമാകും. പെരുന്നാൾ നമസ്‌കാരാനന്തരം വിശ്വാസികൾ കൂട്ടായും ഒറ്റയ്ക്കും ബലികർമങ്ങളിൽ ഏർപ്പെടും.

സംസ്ഥാനത്തെ വിവിധ പള്ളികളിൽ തിങ്കളാഴ്ച രാവിലെ പ്രത്യേക പ്രാർഥനകൾ നടന്നു. തിരുവനന്തപുരം പാളയം ജുമാ മസ്ജിദ് ചന്ദ്രശേഖരൻനായർ സ്റ്റേഡിയത്തിൽ നടന്ന പ്രാർഥനയിൽ നിരവധി വിശ്വാസികൾ പങ്കെടുത്തു. കടവന്ത്ര സലഫി ജസ്ജിദിലെ പെരുന്നാൾ നമസ്കാരത്തിൽ നടൻ മമ്മൂട്ടിയും പങ്കുകൊണ്ടു.