തിരുവല്ലയിലെ കല്ലുപ്പാറയില്‍ കെഎസ്ആർടിസി ബസുകള്‍ തമ്മില്‍ കൂട്ടിയിടിച്ച്‌ ഉണ്ടായ അപകടത്തില്‍ ഡ്രൈവർമാർ അടക്കം 41 പേർക്ക് പരിക്ക്. ഒരാളുടെ നില അതീവ ഗുരുതരമാണ്. പത്തോളം പേർക്ക് തലയ്ക്ക് ഗുരുതര പരിക്കേറ്റിട്ടുണ്ട്. കല്ലുപ്പാറ ജംഗ്ഷന് സമീപം ഇന്ന് രാവിലെ 11:30ഓടെ ആയായിരുന്നു അപകടം. മല്ലപ്പള്ളി ഭാഗത്തുനിന്ന് വന്ന ബസും തിരുവല്ല ഭാഗത്തു നിന്നും മല്ലപ്പള്ളിയിലേക്ക് പോയ ബസും തമ്മിലാണ് കൂട്ടിയിടിച്ചത്. അപകടത്തില്‍ പരിക്കേറ്റവരെ തിരുവല്ലയിലെ സ്വകാര്യ മെഡിക്കല്‍ കോളേജ് ആശുപത്രിയിലേക്ക് മാറ്റി. രണ്ട് ബസുകളുടെയും മുൻഭാഗം പൂർണമായും തകർന്നിട്ടുണ്ട്.