ആലുവയില് ഓടിക്കൊണ്ടിരുന്ന കാറിന് തീപിടിച്ചു. ആലുവ-മൂന്നാര് റോഡില് രാവിലെ 9 മണിയോടെയായിരുന്നു സംഭവം. ഇരിങ്ങോള് വൈദ്യശാലപ്പടി പെട്രോള് പമ്പിന് സമീപത്താണ് അപകടം നടന്നത്. കുറുപ്പുംപടി മുടിക്കരായി സ്വദേശി ജോര്ജിന്റെ അംബാസിഡര് കാറിനാണ് തീപിടിച്ചത്. പുക ഉയരുന്നത് കണ്ടതോടെ യാത്രക്കാര് കാറില് നിന്നും പുറത്തിറങ്ങിയതിനാല് ആളപായമുണ്ടായില്ല. കാര് ഭാഗികമായി കത്തിനശിച്ചിട്ടുണ്ട്.