ഇടുക്കി പീരുമേട് സബ് ജയിലിൽ നിന്നും പ്രതി ഓടി രക്ഷപ്പെട്ടു. കുമളി ആനവിലാസം കന്നിക്കൽ സ്വദേശി കാരക്കാട്ടിൽ സജൻ ആണ് രക്ഷപ്പെട്ടത്. ജയിലിന് പുറത്തുള്ള ജോലികൾക്കായി പുറത്തിറക്കിയ പ്രതി ഒപ്പം ഉണ്ടായിരുന്ന പൊലീസിന്റെ കണ്ണുവെട്ടിച്ച് കാട്ടിലേക്ക് ഓടി രക്ഷപ്പെടുകയായിരുന്നു. ഉച്ചയ്ക്ക് ഒരു മണിയോടെയാണ് സംഭവം. ഓട്ടപ്പുര ഭാഗങ്ങൾ കേന്ദ്രീകരിച്ച് പൊലീസ് പരിശോധന തുടരുകയാണ്. പ്രതി തമിഴ്നാട്ടിലേക്ക് കടക്കാനുള്ള സാധ്യത കണക്കിലെടുത്ത് പൊലീസ് പരിശോധന കർശനമാക്കിയിട്ടുണ്ട്. ഇയാൾക്കെതിരെ ഉപ്പുതുറ സ്റ്റേഷനിൽ രണ്ട് കേസുകളുണ്ട്.