ഹരിയാനയിലെ നയാബ് സിംഗ് സൈനിയുടെ നേതൃത്വത്തിലുള്ള ബിജെപി സർക്കാർ ചൊവ്വാഴ്ച മൂന്ന് സ്വതന്ത്ര നിയമസഭാംഗങ്ങൾ പിന്തുണ പിൻവലിക്കുകയും നിലവിലെ പൊതുതെരഞ്ഞെടുപ്പിൽ കോൺഗ്രസിന് വേണ്ടി പ്രചാരണം നടത്തുമെന്ന് പ്രഖ്യാപിക്കുകയും ചെയ്തതോടെ പ്രതിസന്ധിയിലായി.. പുന്ദ്രിയിൽ നിന്നുള്ള രൺധീർ ഗോലൻ, നിലോഖേരിയിൽ നിന്നുള്ള ധർമപാൽ ഗോണ്ടർ, ദാദ്രിയിൽ നിന്നുള്ള സോംബീർ സിംഗ് സംഗ്വാൻ എന്നിവരാണ് മൂന്ന് എംഎൽഎമാർ. സൈനിയുടെ നേതൃത്വത്തിലുള്ള സർക്കാരിനുള്ള പിന്തുണ പിൻവലിക്കുന്നതായി കാണിച്ച് എംഎൽഎമാർ ഹരിയാന ഗവർണർ ബന്ദാരു ദത്താത്രേയയ്ക്ക് കത്തയച്ചു.
