NATIONAL NEWS – തമിഴ് നാട് : തെങ്കാശി ജില്ലയിലെ വാസുദേവനല്ലൂരിനടുത്ത് ആത്തുവഴി സ്കൂൾ സ്ട്രീറ്റാണ് മുരുകന്റെ സ്വദേശം.
ടിപ്പർ ലോറി ഡ്രൈവർ ആയിരുന്നു മുരുകൻ .
ഭാര്യ മീന (28 വയസ്സ്). ഇവർ വ്യത്യസ്ത ജാതിയിൽ പെട്ടവരാണ്.
ഇവർ രണ്ടുപേരും വീട്ടുകാരോട് വഴക്കിട്ടു വിവാഹം കഴിച്ചു.
മധുര പഴങ്കാനന്തമാണ് മീനയുടെ സ്വദേശം. വിവാഹശേഷം അവർ ആത്തുവഴിയിലായിരുന്നു താമസം.
അവർക്ക് ദിയ മുമീന (6), മുകിഷ മുമീന (2) എന്നിങ്ങനെ രണ്ട് പെൺമക്കളുണ്ടായിരുന്നു. ഇവരിൽ ദിയ പ്രദേശത്തെ ഒരു സ്‌കൂളിൽ ഒന്നാം ക്ലാസിൽ പഠിക്കുകയായിരുന്നു .
ഈ സാഹചര്യത്തിൽ മീനയുടെ പെരുമാറ്റത്തിൽ മുരുകന് സംശയം തോന്നുകയും ഇരുവരും തമ്മിൽ വഴക്ക് പതിവായിരുന്നു.
ഇതേത്തുടർന്ന് മീന സ്വയം തീകൊളുത്താൻ ശ്രമിക്കുകയും വിഷം കുടിച്ച് മരിക്കാൻ ശ്രമിക്കുകയും ചെയ്തു.
എന്നിട്ടും മുരുകന്റെ സംശയം നീങ്ങിയില്ല.
ഇന്ന് മീന തന്റെ രണ്ട് മക്കളെയും കൂട്ടി പ്രദേശത്തെ കിണറ്റിൻ അരുകിലേക്ക്‌ ചെന്നു. രണ്ട് കുട്ടികളെയും കിണറ്റിലേക്ക് എറിഞ്ഞ് കൊലപ്പെടുത്തിയ ശേഷം കിണറ്റിൽ ചാടി മരിക്കുകയായിരുന്നു.
വാസുദേവനല്ലൂർ പോലീസ് സ്ഥലത്തെത്തി മീനയുടെയും രണ്ട് കുട്ടികളുടെയും മൃതദേഹം പുറത്തെടുത്ത് പോസ്റ്റ്‌മോർട്ടത്തിനായി പുളിയങ്കുടി സർക്കാർ ആശുപത്രിയിലേക്ക് എത്തിച്ചു . സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
രണ്ട് കുട്ടികളെ കിണറ്റിലെറിഞ്ഞ് കൂടെ അമ്മയും ചാടി മരിച്ച സംഭവം പ്രദേശത്ത് ഏറെ കോളിളക്കം സൃഷ്ടിച്ചിരിക്കുകയാണ്.
NATIONAL NEWS HIGHLIGHT – Mother commits suicide by throwing two children into a well in Tenkasi.