KOTTARAKKARA NEWS – കൊട്ടാരക്കര: നിരവധി മോഷണ കേസുകളിലും, കഞ്ചാവ് കേസുകളിലും പ്രതിയായിട്ടുള്ളതും,
കഞ്ചാവ് കേസിൽ കോടതി ശിക്ഷിച്ചിട്ടുള്ളതുമായ മൈലം വില്ലേജിൽ പള്ളിക്കൽ പെരുംകുളം കളീലുവിള ജംഗ്ഷനിൽ വിശാഖം വീട്ടിൽ രാഘവൻ പിള്ള മകൻ 49 വയസുള്ള മണിക്കുട്ടൻ എന്ന് വിളിക്കുന്ന ബിജുകുമാർ ,
തലവൂർ കുര സുഭാഷ് ഭവനിൽ രവീന്ദ്രൻ പിള്ള മകൻ കുര സുഭാഷ് എന്ന് വിളിക്കുന്ന സുഭാഷ് (40) എന്നിവരാണ് അറസ്റ്റിലായത്.
കൊല്ലം റൂറൽ ജില്ലയിലെ “യോദ്ധാവ് ആന്റി ഡ്രഗ് ക്യാമ്പയിന്റെ” ഭാഗമായി കൊല്ലം റൂറൽ ജില്ലാ അഡിഷണൽ
എസ്. പി ശ്രീ. ജെ സന്തോഷ് കുമാറിന് ലഭിച്ച രഹസ്യ വിവരത്തെ തുടർന്ന് കൊല്ലം സി-ബ്രാഞ്ച് ഡി.വൈ.എസ്.പി യുടെ നേതൃത്വത്തിലുള്ള ഡാൻസാഫ് ടീം കൊട്ടാരക്കര പോലീസും ചേർന്നാണ് ഇവരെ അറസ്റ്റ് ചെയ്തത്.
ബിജു കുമാറിനെ കഴിഞ്ഞ നവംബർ മാസത്തിൽ ഏഴു കിലോ കഞ്ചാവുമായി കൊല്ലം റൂറൽ ജില്ലാ ഡാൻസാഫ് ടീം പിടികൂടിയിരുന്നു .
പാലക്കാട് വാളയാർ ചെക്ക് പോസ്റ്റിൽ വച്ച് കഞ്ചാവ് പിടികൂടിയതിനു സുഭാഷ് കഴിഞ്ഞ രണ്ടു വർഷക്കാലമായി പാലക്കാട് ജില്ല ജയിലിലും
തിരുവനന്തപുരം സെൻട്രൽ ജയിലിലുമായി ശിക്ഷ അനുഭവിച്ചുവരവേ ജാമ്യത്തിൽ ആയിരിക്കുമ്പോഴാണ് വീണ്ടും അറസ്റ്റിലാവുന്നത് .
കൊട്ടാരക്കര ഐ.എസ്.എച്ച്.ഒ വി.എസ് പ്രശാന്തിന്റെ നേതൃത്വത്തിൽ കൊല്ലം റൂറൽ ഡാൻസാഫ് എസ്.ഐ അനീഷ് എ ,
എസ്.ഐ അനിൽകുമാർ, എ.എസ്.ഐ രാധാകൃഷ്ണപിള്ള , സി.പി.ഒ മാരായ സജുമോൻ റ്റി , അഭിലാഷ് പി.എസ്, ദിലീപ് എസ്, വിപിൻ ക്‌ളീറ്റസ് ,
എസ്.സി.പി.ഒ സുനിൽ കുമാർ എന്നിവരും കൊട്ടാരക്കര പോലീസ് സ്റ്റേഷൻ എസ്.ഐ ഗോപകുമാർ, എസ്. ഐ രാജൻ ,എ.എസ്.ഐ സജീവ് റ്റി, എ.എസ്.ഐ ജിജിമോൾ എന്നിവർ ഉൾപ്പെട്ട സംഘമാണ് പ്രതികളെ അറസ്റ്റ് ചെയ്തത്.